निलम्बित प्रधानन्यायाधीश जबरालाई नेपाल बारले सर्वोच्च छिर्न नदिने
- September 18, 2022
- 4 years ago
निलम्बित प्रधानन्यायाधीश चोलेन्द्र शम्शेर जबरा सर्वोच्च अदालत छिर्ने तयारी गरी रहेका वेला नेपाल नेपाल बार एशोसिएसनले निलम्बित प्रधान न्यायाधीश जवरालाई अदालत प्रवेशमा रोक लगाउने निर्णय गरेको छ । आइतवार बिहान बसेको कानून व्यवासयीहरुको छाता संगठन नेपाल एशोसिएसनको आकस्मिक बैठकले जबरालाई सर्वोच्च प्रवेशमा रोक लगाउने निर्णय गरेको हो ।
संसदले महाअभियोग टुग्यान नसकेपछि जवरा सर्वोच्च फकर्ने तयारी गरी रहेका वेला नेपाल बार यशोसिएसनले अदालत प्रवेशमा रोक लगाने निर्णय गरेको हो ।नेपाल बार एशोसिएसनका अध्यक्ष गोपालकृष्ण घिमिरेले सर्वोच्च अदालत परिसरमा शान्तिपूर्ण प्रदर्शन गर्ने जबरा अदालत प्रवेश गर्न नदिने निर्णय भएको जानकारी दिए ।
निलम्बित प्रधानन्यायाधीश जबराले अपराह्न कायम मुकायम मुख्य रजिष्ट्रार नारायण पन्थीलाई फोन गरेर आफू सर्वोच्च अदालत फर्किने बताए पछि पन्थीले सर्वोच्च अदालतका का.मु. प्रधान न्यायाधीश दीपक कार्की लगायतलाई यस विषयमा जानकारी गराएका थिए । बारको बैठक लगतै सर्वोच्च अदालत परिसरमा थप प्रहरी परिचालन गरिएको छ भने बारका सदस्यहरु मुख्य प्रवेशद्धारमा जम्मा भएका छन् ।
