खुला विश्वविद्यालयबाट कानुनमा स्नातक उतीर्ण गरेकाले पनि लाईसेन्स परीक्षामा सहभागी हुन पाउने
- December 24, 2023
- 3 years ago
खुला विश्व विद्यालयबाट कानुनमा स्नातक उतीर्ण गरेका विद्यार्थीहरुका लागि छुट्टै लाइसेन्स परीक्षा सञ्चालन हुने भएको छ । शुक्रबार सर्वोच्च अदालतले खुला विश्वविद्यालयबाट कानुनमा स्नातक पास भएका विद्यार्थीलाई पनि अधिबक्ताको लाइसेन्स (बार काउन्सिल ) परिक्षामा सहभागी गराउन थिएको थियो । उक्त आदेश पछि बार काउन्सिलले यस्तो निर्णय गरेको हो । आइतबार बसेको परिषदको बैठकले खुल्ला विश्व विद्यालयबाट उत्रिर्णहरुका लागि पछि फारमको सूचना प्रकाशित गर्ने निर्णय गरे छ ।
हाललाई भने व्यवस्थापकीय काम सम्पन्न गरी उनीहरुका लागि समेत लाइसेन्स परिक्षा सञ्चालन गर्ने निर्णय गरेको हो । हाललाई भने नियमित विश्व विद्यालयबाट उत्रिण विद्यार्थीका लागि मात्र परिक्षा संञ्चालन गर्ने भएको छ ।
सर्वोच्च अदालतले खुला विश्वविद्यालयबाट कानुनमा स्नातक पास भएका विद्यार्थीलाई पनि बार काउन्सिल (नेपाल कानुन व्यवसायी परिषद)को परीक्षाबाट बञ्चित नगर्नु भनी अन्तरिम आदेश दिएको थियो । यस अधि बार काउन्सिलले खुला विश्वविद्यालयको स्नातक तहको कोर्ष मापदण्ड अनुसार नभएको भन्दै त्यहाँबाट स्नातक उतीर्ण विद्यार्थीलाई परीक्षामा सहभागी गराएको थिएन ।
