कायममुकायम प्रधानन्यायाधीश विश्वम्भरप्रसाद श्रेष्ठ प्रधानन्यायाधीश नियुक्त
- August 22, 2023
- 3 years ago
कायममुकायम प्रधानन्यायाधीश विश्वम्भरप्रसाद श्रेष्ठ प्रधानन्यायाधीश नियुक्त भएका छन् । उनलाई संवैधानिक परिषदको सिफारिसमा राष्ट्रपति रामचन्द्र पौडेलले नियुक्त गरेका हुन् । सोमबार बसेको संसदीय सुनुवाइ समितिको बैठकले कायममुकायम प्रधानन्यायाधीश श्रेष्ठलाई प्रधानन्यायाधीशमा सर्वसम्मत अनुमोदित गरेको थियो । ३१ औं प्रधानन्यायाधीशका रूपमा मुलुकको न्यायालयको नेतृत्वमा पुगेका उनी आगामी १४ महिना अर्थात २०८१ असोज १९ सम्म प्रधानन्यायाधीशको रुपमा जिम्मेवारी सम्हाल्ने छन् ।
२०१६ असोज २० मा डोटीको सिलगढीमा जन्मेका श्रेष्ठ ०३८ सालमा अस्थायी शाखा अधिकृतका रूपमा न्याय सेवामा प्रवेश गरेका थिए । त्यसको ६ वर्षमै जिल्ला न्यायाधीश भएका उनी २०६२ मा तत्कालीन पुनरावेदन अदालत बाग्लुङको न्यायाधीश भएका थिए । २०७० मा पुनरावेदन अदालत पोखराको कायममुकाम मुख्य न्यायाधीश र २०७१ मा पुनरावेदन अदालत हेटौंडाको मुख्य न्यायाधीशका रुमा काम गरेका उनी २०७३ साउन १७ मा सर्वोच्च अदालतमा न्यायाधीश नियुक्त भएका थिए । मुद्दाको संख्या बढ्न पनि न्यायाधीशको संख्या घटीरहको कारण सेवामा हुने ढिला सुस्ती रोक्नु उनको मुख्या चुनौतिक देखिएको छ । हाल उच्च अदालतमा ५४, सर्वोच्चमा ७ र जिल्ला अदालतमा ३८ न्यायाधीश खाली छन् । त्यस्तै न्यायालय शुद्धिकरणको लागि समेत नवनियुक्त प्रधानन्यायाधीश श्रेष्ठले निकै महनतका साथ काम गर्नु पर्ने छ ।
