नेपाल जलन फाउण्डेशनको आयोजनामा राष्ट्रव्यापी कविता, निबन्ध र वक्तृत्वकला प्रतियोगिता सम्पन्न भएको छ ।
मंगलबार काठमाडौंमा फाउण्डेशनको आयोजनमा प्रतियोगिता सम्पन्न भएको हो । वक्तृत्वकला तर्फ रजनी तामाङ्ग प्रथम, प्रेमिका राज्य लक्ष्मी शाही द्वितीय र काजोल श्रेष्ठ तृतीय भइन भने कबिता तर्फ रजनी तामाङ्ग, शारदा बराईली र रेश्मा तामाङ्ग क्रमशः प्रथम, द्वितीय,तृतीय भए । निबन्ध विधा तर्फ कृष्मा पोख्रेल प्रथम, आसक घिमिरे द्वितीय र सृजना भट्टराई तृतीय भए ।

प्रतियोगीतामा विजयी छात्रछात्राहरुलाई प्रमुख अतिथी सर्वोच्च अदालतका निर्वतमान न्यायाधीश तेजबहादुर के.सी.ले नगद सहित पुरस्कार प्रदान गर्नु भएको थियो । जलन फाउण्डेसनले जलन र जलनको रोकथामका लागि चेतना जगाउन सातव्यपी कार्यक्रम सञ्चालन गरिरहेकाले विद्यालर्थीहरुमा एसिड प्रहार लगायतका कारण मानिसमा हुने जलन र त्यसले पार्ने प्रभाब तथा रोकथामका लागि राष्ट्रव्यापी कविता, निबन्ध र वक्तृत्वकला प्रतियोगिता गरिएको बरिष्ठ उपाध्यक्ष बालकृष्ण गैरेले जानकारी दिए ।

कार्यक्रममा फाउण्डेसनका अध्यक्ष प्रा.डा.पीयूष दाहाल र महासचिब डा.किरण किशोर नकर्मीले नेपाली समाजनमा विभिन्न कारणले मानिसमा हुने जलनका घटना र त्यसले पार्ने प्रभाब तथा रोकथामको विषयमा जनाकारी गराएका थिए । आसोज ७ गते सम्म चल्ने कार्यक्रममा फाउण्डेशनले विभिन्न गोष्ठी, अन्तरक्रिया तथा छलफल गर्दै आएको छ । फाउण्डेशले जलनका घटना न्यूनिकरणका लागि विभिन्न सरोकारवाला निकाय संग छलफल गर्दै कानूनको प्रभाकारी कार्यान्वयन र प्रशासनलाई जिम्मेवार बनाउन विभिन्न कार्यक्रम गर्दै आएको छ ।