विरामीको उपचारमा चित्त नबुझेर उपचारमा सम्लग्न स्वास्थ्यकर्मीमाथि हातपात र स्वास्थ्य संस्था तोडफोड गर्ने ब्यक्तिलाई अब तत्काल थुनामा राखिने भएको छ । सरकारले ल्याएको नयाँ विद्येयक पास भएसंगै अब कुनै पनि व्यक्तिले उपचारमा सम्लग्न स्वास्थयकर्मी हातपात गरे वा स्वास्थ्य संस्था तोडफोड गरे तत्कालै पुर्पक्षका लागि थुनामा राखिने भएको छ । यस अधि यस्ता घटनामा संलग्न जिल्ला प्रशासन कार्यालयबाट धरौटीमा छुटुने गरेका थिए । स्वास्थ्यमन्त्री विरोध खतिवडाले स्वास्थ्यकर्मी तथा स्वास्थ्य संस्थाको सुरक्षासम्बन्धी ऐन, २०६६ संशोधन गरी अध्यादेशमार्फत ल्याएसंगै हातपात र तोडफोडमा संलग्नलाई पूर्पक्षका लागि थुनामा राखिने व्यवस्था गरिएको हो । मन्त्रिपरिषद्ले विधेयक स्वीकृत गरी गरेर राष्ट्रपतिकहाँ पठाएको छ । राष्ट्रपतिले स्वीकृत गरेपछि विद्येयक कार्यान्वयनमा आउने छ । स्वास्थ्यकर्मी माथि हातपात, गाली–बेइज्जती र स्वास्थ्य संस्थमा तोडफोड गर्ने प्रबृती बढ्न थालेपछि स्वास्थ्यकर्मीहरुले त्यस्ता व्यक्तिलाई तुरुन्त धरौटीमा छाड्न नमिल्ने गरी कानून बनाउन आग्रह गर्दै आएका थिए । स्वास्थ्यकर्मीमाथि हातपात गर्ने तथा स्वास्थ्य संस्थामाथि तोडफोड गर्नेलाई पुर्पक्षमा राखेर अनुसन्धान गर्ने गरी विद्येयक अधि बढ्नु स्वागतयोग्य भएको चिकित्सक संघका अध्यक्ष डा. लोचन कार्कीले बताए । विधेयकमा कुनै व्यक्तिले कसुर गरेको खण्डमा दुईदेखि पाँच वर्ष कैद वा दुई लाखदेखि पाँच लाख रुपैयाँसम्म जरिवाना वा दुवै हुने व्यवस्था गरिएको छ । अब अध्यादेश लागू भए पुर्पक्षमा पठाएर मात्रै अनुसन्धान हुनेछ ।