अब हप्तामा २ दिन विदा सार्वजनिक विदा
- April 27, 2022
- 4 years ago
काठमाडौं । अब सरकारले हप्तामा दुई दिन सार्वजनिक विदा दिने भएको छ । मंगलबार बसेको मन्त्रिपरिषद्को बैठकले जेठ १ गतेदेखि हप्तामा २ दिन विदा दिने निर्णय गरिएको हो । साप्ताहिक रुपमा सरकारले शनिवार विदा दिने गरेकोमा जेष्ठ १ गतेबाट शनिवार र आइतबार दुई दिन विदा दिने निर्णय गरेको छ । त्यस्तै सरकारले कार्यालय समय विहान ९ः३० देखि ५ः३० सम्म तोकेको छ । यस अधि कार्यलय समय १० बजेदेखि ५ बजे सम्म थियो । सरकारको दुई दिन सार्वजनिक विदा दिने निर्णयले कर्मचारीहरु भने खुसी भएका छन् । नेपाल निजामती कर्मचारी यूनियनका अध्यक्ष गोपाल पोखरेलले सरकारी निर्णयले कर्मचारी खुसी भएको बताए । एकीकृत सरकारी कर्मचारी संगठनका अध्यक्ष मोहन घिमिरे पनि विदा प्रभाकारी हुने बताए । साप्ताहिक रुपमा कार्य घण्टा नघट्ने गरी सरकारले गरेको निर्णय राम्रो भए पनि कार्यचारीको कार्यशैलीले सेवा प्रवाहमा प्रभाव पर्ने बताए । सरकारले भने यो निर्णयलाई परीक्षणको रुपमा प्रभावकारीता हेरेर दुई दिन विदा दिने निर्णयलाई निरन्तरता दिने वा नदिने निर्णय गर्ने गर्ने छ ।
