रिक्त न्यायाधीशको अविलम्ब पद पुर्ति गर्न न्यायपरिषदलाई सर्वोच्च बारको पत्र
- January 25, 2023
- 3 years ago
सर्वोच्च अदालतमा रिक्त न्यायाधीहरुको पद पूर्ति गर्न सर्वोच्च बारले माग गरेको छ ।
मंगलबार सर्वोच्च बारले न्यायपरिषदका अध्यक्ष एवम् कायम मुकायम प्रधानन्यायाधीशलाई पत्र लेख्दै अविलम्ब रिक्त न्यायाधीशको पद पूर्ति गर्न बारले माग गरेको हो । मंगलबार सर्वोच्च बारका अध्यक्ष बरिष्ठ अधिबक्ता हरिशंकर निरौलाको अध्यक्ष बसेको बार बैठकको निर्णय अनुसार पत्र लेखिएको सर्वोच्च बारका सचिव सचिव श्याम खत्रीले जानकारी दिए ।
लामो समयदेखि सर्वोच्च अदालतमा न्यायाधीशको पदपूर्ति नहुँदा सेवा ग्राहीलाई सास्ती भएको र मुद्धाको चाप अनुसार सर्वोच्चबाट समयमा मुद्धा फैसला हुन नसको भन्दै सर्वोच्च बारले न्यायपरिषदको ध्यान आकृष्ट गरेको सचिव खत्रीले बताए । हाल सर्वोच्च अदालतमा ५ न्यायाधीशको पद रिक्त रहेको छ । संविधानको धारा १५३ अनुसार न्यायपरिषदले न्यायाधीशको नियुक्ति गर्ने व्यवस्था रहेको छ ।
