रामेछाप- रामेछापको गोकुलगंगा गाउँपालिकाका उपाध्यक्षका प्रत्याशी विष्णु कार्कीले आफूले निर्वाचन जिते सेवा सुविधा वापत आउने सम्पूण रकम महिला र बृद्धबृद्धालाई दिने घोषणा गरेका छन् । ने.क.पा. माओवादी केन्द्रको तर्फबाट उपाध्यक्षका उमेद्वार कार्कीले आफूले निर्वाचन जिते सेवा सुविधा बापत पाउने रकम पालिका भित्रका विपन्न महिला र बृद्धबृद्धालाई दिने घोषणा गरेका हुन् । आफूले जनताको सेवा गर्नेका लागि राजनीति गरेको र आफ्नो जीवकोपार्जका लागि राज्यको सेवा लिनु पर्ने अवस्था नभएको भन्दै उनले उपाध्यक्ष जितेको खण्डमा आफूले पाउने सबै सेवा सूविधा जनताकै लागि खर्च गर्ने बताएका हुन् । राजनीतिको नाममा सार्वजनिक पदमा पुगेर भ्रष्टाचार र आर्थिक अनियमितता गर्ने परिपाटी बढेको वेला उपाध्यक्षका प्रत्याशी कार्कीको घोषणाले राजनीति गर्नेहरुले जनताको वास्तविक सेवा गर्नु पर्छ भन्ने सन्देश भएको मतदताहरुले बताएका छन् । युवा व्यवसायी समेत रहेको कार्की समाज सेवा समेत उत्तिकै सकृय ब्यक्ति हुन् । कोरोना भाईरसको संक्रमणको संगै नेपालका पहिलो पटक लकडाउन भएको समयमा काठमाडौं फसेका पालिकाबासीलाई ४० वटा बसमा उद्धार गरी घरसम्म पु¥याउने व्यवस्था गरेका थिए । स्थानीय पालिकाबासीलाई कुनै पनि समस्या परेर तत्काल सहयोग र समन्वय गर्न पुग्ने कार्कीको स्वभावले गर्दा माओवादी केन्द्रका उमेद्धवार कार्कीलाई मतदाताले रुचाएको गोकुलगंगा गाउँपालिकाका वाईसीएल संयोजक रवी नेवारले बताए । आफू र आफ्नो प्यानल विजय भए पालिकामा आएको बजेटलाई सही ढंगले सदुपयोग गर्ने र केन्द्रबाट बजेट ल्याएर सडक, बत्ती, खानेपानी, शिक्षा, स्वास्थ्य र विकास पूर्वधार संगै कृषि तथा रोजगारी र होमस्टे सञ्चालन लगायतका माध्यबाट गोकुलगंगा गाउँपालिकालाई जिल्लाकै नमुना पालिका बनाउने बाउने उपाध्यक्षका प्रत्याशी कार्कीले बताए । विगतमा आवश्यकताको आधारमा भन्दा पनि कार्यकर्तालाई पोस्न मानोमानी बजेट बाड्ने विकृति बढेको र भूकम्पबाट प्रभावित जनतालाई स्थानीय करको नाममा मनोमानी कर लगाएको भन्दै उनले आफ्नो प्यानलले निर्वाचन जिते पालिका भित्र लिने सम्पूर्ण कर छुट गर्ने बताएका छन् । नेकपा (एकीकृत समाजवादी) संग गठबन्धन गरेको माओवादी केन्द्रका तर्फबाट कार्कीले उपाध्यक्ष उमेद्वारी दिएका छन् भने अध्यक्षमा समाजवादीका रुद्र फूयालले उमेद्वारी दिएका छन् ।