माधव नेपालसहित १४ सांसदलाई पदमुक्त गर्न दायर रिटको अन्तिम सुनुवाई आगामी २७ गते
- April 03, 2022
- 4 years ago
काठमाडौं । नेकपा समाजवादीको अध्यक्ष माधव नेपालसहितका १४ सांसदलाई पद मुक्त गर्न माग गर्दै परेको रिटमाथिको अन्तिम सुनुवाई आगामी २७ गते हुने भएको छ । नेकपा एमाले फुटाएर तयारी गरे पनि तत्कालिन नेकपा एमालेका संसद माधवकुमार नेपाल सहित १४ जनालाई पदमुक्त गर्न माग गर्दै एमाले अध्यक्ष केपी शर्मा ओलीको तर्फबाट रिट दायर भएको थियो ।
रिटको निर्णय आइतवार सुनाउने गरी पेशी तोकिएको थियो । उक्त रिट न्यायाधीशहरु अनिलकुमार सिन्हा र नहकुल सुवेदीको संयुक्त इजलासमा परेको थियो । तर संयुक्त इजलासमा नहकुल सुवेदीले हेर्न नमिल्ने भएपछि सुनुवाई रोकिएको हो ।
“यसमा, म सहितको इजलासले निवेदक सोमप्रसाद पाण्डेसमेत बिरुद्ध निर्वाचन आयोगसमेत भएको उत्प्रेषण मुद्दामा प्रस्तुत निवेदनमा बदरका लागि माग गरिएको प्रत्यर्थी निर्वाचन आयोगले गरेको दल दर्ता सम्बन्धी निर्णय प्रकृयासँग सम्बन्धित तथ्यमा प्रवेश गरी अन्तरिम आदेश जारी गरेको मिसिल संलग्न आदेशको प्रतिलिपिबाट खुल्न आएकोले यो मुद्दा मैले हेर्न मिलेन,” संयुक्त इजलासमा रहेका न्यायाधीश नहकुल सुवेदीको रायमा भनिएको छ, यस अधि सोमप्रसाद पाण्डेले निर्वाचन आयोग विरुद्ध आफूलाई नेकपा एस को सनाखत गर्न नदिएको भन्दै दायर रिटमा न्यायधीश सुवेदीले सनाखत गर्न दिनु भन्ने खादेश दिएको थिए । आज सोही कारण देखाउँदै मुद्धा हेर्न नमिल्ने भन्दै सुनुवाई रोकिएको हो । अर्को ससुनुवाईको लागि २०७८ /१२/२७ को पेशी तोकिएको छ ।
