सरकारले स्थानीय तह निर्वाचनमा मतपत्र छपाइको सुरक्षाको जिम्मा सेनालाई दिने निर्णय गरिएको छ । केन्द्रीय सुरक्षा समितिको बैठकले मत पत्र छपाईको जिम्मा सेनालाई दिने निर्णइ गरहेको हो ।
गृहमन्त्री बालकृष्ण खाँणको नेतृत्वमा बसेको केन्द्रीय सुरक्षा समिति बैठकले मत पत्र छपाई सुरक्षाको जिम्मा सेनालाई दिने निर्णय गरिएको हो । सेना, सशस्त्र, नेपाल प्रहरी र राष्ट्रिय अनुसन्धान सहित ४ वटा सुरक्षा अङ्गले प्रस्ताव गरेको योजनालाई परिमार्जन सहित स्वीकृत गर्ने निर्णय गरेको थियो ।

वैशाख ३० मा हुने स्थानीय तहको निर्वाचनको सुरक्षाका लागी सरकारले महत्त्वपूर्ण प्रतिष्ठान, कारागार र विमानस्थल लगायतका संवेदसिल स्थानमा खटिएका प्रहरी र सशस्त्र प्रहरीलाई सिमित संख्यामा खटाउँदै निर्वाचन सुरक्षामा परिचालन गर्न निदेर्शन दिएको छ । प्रहरी फिर्ता वोइएका त्यस्ता स्थानमा निर्वाचन अवधिभर नेपाली सेनालाई सुरक्षाको जिम्मा दिन गरी सुरक्षा रणनीति बनाइएको छ ।

मतदानको दिन मतदान केन्द्रबाट बढीमा ३० मिनेटको दुरीमा सेनाका फौज तैनाथ राख्ने, बम डिस्पोज छोली परिचालन तथा मत पेटीकाको सुरक्षाको लागि पनि सेना परिचालन गर्ने गरी एकीकृत सुरक्षा योजना तर्जुमा गरिएको छ ।

विकट क्षेत्रमा मतपत्र, मतपेटिका तथा निर्वाचन सामग्री ढुवानी गर्ने जिम्मा पनि सेनालाई दिने निर्णय गरिएको छ । निर्वाचनको ३० दिन अघिदेखि सेनाले निर्वाचन क्षेत्रमा पट्रोलिङ गर्नेछ । निर्वाचनमा सेनाको बम डिस्पोजल टोली परिचालन गरिने र गरी एकीकृत सुरक्षा योजना तयार गरिएको छ । तीन वटा घरामा सुरक्षा दिइन गरी मतदान स्थालको सुरक्षा योजना बनाइएको छ । पहिलो घेरामा नेपाल प्रहरी दोस्रोमा सशस्त्र र तेस्रो घेरामा सेना परिचालन गरिने छ ।