ढुंगा–गिट्टी निकासी गर्ने कार्य तत्काल रोक्न सर्वोच्चको आदेश
- April 20, 2022
- 4 years ago
सर्वोच्च अदालतले ढुंगा–गिट्टी निकासी गर्ने कार्य तत्काल रोक्न परमादेश जारी गरेको छ। बुधबार संबैधानिक इजलासले सरकारका नाममा परमादेश जारी गरेको हो । कामु प्रधानन्यायाधीश दीपककुमार कार्की, न्यायाधीशहरू ईश्वरप्रसाद खतिवडा, आनन्दमोहन भट्टराई, अनिलकुमार सिन्हा र प्रकाशमान सिंह राउतको इजलासले प्राकृतिक श्रोतको दोहन गरी गिट्टी, ढुंगा, बालुवा आदि निकासी गर्ने कार्य संविधानको भावना र मर्म अनुकूल हुने गरी विधायिकाद्वारा निर्मित कानुनले अन्यथा व्यवस्था नगरेसम्म सो अनुसारको निकासी गर्ने गराउने कार्य नगर्नु नगराउन भन्ने आदेश जारी गरेको हो।
अब सरकारले कानुन बनाएर मात्र ढुंगा–गिट्टी निकास गर्न पाउने छ। शैलेन्द्र प्रसाद अम्बेडकर सहितले प्रधानमन्त्री तथा मन्त्रिपरिषद्को कार्यालयलाई विपक्षी बनाएर दागर गरेको रिट दायर गरेको थिए । ढुंगा–गिट्टीको बारेमा सर्वोच्च अदालतका पूर्वआदेशहरु समेतको पालना गर्नेरगराउनेतर्फ ध्यानाकर्षण हुन आवश्यक छ भन्ने इजलासले ठानेको भन्दै सर्वोच्चले यस अधिका फैसलाको बारेमा सम्बन्धित मन्त्रालय र अन्य सरोकारवाला निकायको ध्यानाकर्षण गराएको छ ।
तत्कालीन अर्थमन्त्री विष्णु पौडेलले आर्थिक वर्ष २०७८र०७९ को बजेट वक्तव्यमा गिट्टी, बालुवा र ढुंगा निकासी गर्ने कार्यक्रम ल्याएका थिए। अध्यादेशमार्फत् ल्याइएको बजेटमा यस्तो व्यवस्था गर्दा चुरेलगायत तराई क्षेत्र विनास हुने भन्दै आलोचना भएको थियो ।
