अज्ञात समुहको गोली प्रहारबाट सर्लाहीमा एक भारतीय नागरिकको हत्या
- April 06, 2022
- 4 years ago
सर्लाही — सर्लाही सदरमुकाम मलंगवामा गोली प्रहार गरी एक जनाको हत्या गरिएको छ । बुधबार साँझ मलंगवा नगरपालिका–९ कृष्णामति माध्यमिक विद्यालयको कम्पाउन्डको पूर्वी भागमा गोली हानी भारतीय नागरिकको हत्या गरिएको हो । भारतको सितामढी जिल्ला, कन्हौली थाना बिशनपुर आधार पञ्चायतको अन्दाजी ३५ वर्षीय इन्दल महतोको गोली हानी हत्या गरिएको प्रहरीले जनाएको छ । मलंगवा बजारबाट पूर्वतर्फ मोटरसाइकलमा जाँदै गरेको महतो माथि गोली अज्ञान समुहले गोली प्रहार भएको थियो । गोली प्रहारबाट गम्भीर घाइते भएका महतो उपचारको क्रममा मृत्यु भएको हो । उनको प्रादेशिक अस्पताल मलंगवामा उपचारको क्रममा मृत्यु भएको प्रहरीले जानकारी दिएको छ । गोली हान्ने व्यक्तिको खोजी र गोली हन्नुको कारणको अनुसन्धान भईरहको प्रहरीले बताएको छ ।
