नेपालीले विदेशमा सम्पत्ति राख्न नपाउने कानुनी व्यवस्था गर्न प्रस्ताव
- June 29, 2022
- 4 years ago
काठमाडौं । नेपालीले विदेशमा सम्पत्ति राख्न नपाउने गरी संसदमा संशोधन प्रस्ताव दर्ता भएको छ ।
सामाजिक सुरक्षा ऐन २०७५ लाई संशोधन गर्न बनेको विधेयकमा संशोधन दर्ता गर्दै विदेशमा सम्पत्ति राख्न नपाउने गरी संशोधन प्रस्ताव अगि बढाएको हो । नेपाल मजदूर किसान पार्टीको संसद प्रेम सुवालले उक्त प्रस्तव अघि बढाएका हुन् ।
‘नेपालीको आर्थिक समानता, सामाजिक न्याय, व्यक्तित्व विकासमा समान अवसरको लागि विदेशमा सम्पत्ति राख्न नपाउने, सम्पत्तिको सीमा निर्धारण गरी सामाजिक सुरक्षा गर्नु वाञ्छनीय भएको भन्दै सांसद सुवालले संशोधन प्रस्ताव दर्ता गराएका हुन् ।
संविधान निर्माणकै क्रममा नेमकिपाले सम्पत्तिको सीमांकन तोक्न र विदेशमा सम्पत्ति राख्न नपाउने र जमिनमा जोत्नेको हक हुनेछ’ भन्ने संशोधन प्रस्ताव दर्ता गरेको थियो । तेतिवेला उक्त प्रस्ताव अस्वीकृत भएको थियो ।
