अन्तत: बालेन र सुनिताले मारे बाजी, युवामा उत्साह
- May 27, 2022
- 4 years ago
काठमाडौं । काठमाडौं महानगरपालिकाको मेयरमा स्तन्त्र उम्मेदवार बालेन्द्र साह (बालेन) विजयी हुँदै बाजी मारेका छन् । स्वतन्त्र उम्मेदवार साहले ६१ हजार ७६७ मत ल्याएर मयेरमा बाजी मारेका हुन् । गठबन्धकी उमेद्वार नेपाली कांग्रेसकी उम्मेदवार सिर्जना सिंहले ३८ हजार ३४१ र नेकपा एमालेका उम्मेदवार केशव स्थापितले ३८ हजार ११७ मत प्राप्त गरेका छन् ।
त्यस्तै उपमेयरमा नेकपा एमालेकी उम्मेदवार सुनिता डंगोल विजयी भएकी छिन् । उनले ६८ हजार ६१२ मत पाइन भने उनका प्रतिद्वन्द्वी गठबन्धनका उम्मेदवार नेकपा समाजवादीका रामेश्वर श्रेष्ठले २३ हजार ८०६ मत पाए । काठमाडौंको गौरी गाउँमा जन्मिएका ३१ वर्षिय चर्तित यापर पेशाले इन्जिनियर हुन् । उनले ह्वाइट हाउस इन्स्टिच्युट अफ टेक्नोलोजीबाट सिभिल इन्जिनियरिङमा स्नातक र भारतको कर्नाटक विश्वेश्वरैया राष्ट्रिय प्रौद्योगिक संस्थानबाट स्ट्रक्चरल इन्जिनियरिङमा स्नातकोत्तर गरेका छन् ।
त्यस्तै उपमेयर सुनिता डंगोलले सन् २०११ की मिस नेवा हुन् । उनले रञ्जना लिपिलाई प्रबद्धन गर्ने अभियन्ताको रूपमा नेवारी समुदायमा आफूलाई स्थापित गरेकी छिन् । शुरुमा उनी पनि स्वतन्त्र रुपमा मेयरमाउम्मेदवारी दिए पनि नेकपा एमालेले उनलाई आफ्नो प्यानलमा समेट्दै उपमेयरको आधिकारीक उमेद्वार बनाएको थियो ।
उमेद्वारी दर्ताको दिन निर्वाचन जित्नेमा आफु ढुक्क रहेका बताउने एमालेका मेयरका उमेद्वार केशव स्थापित भने तेस्रो स्थानमा समेटीएका छन् । निर्वाचित साह र डंगोललाई मुख्य गरी युवा मतदाताले निकै रुचाएका थिए ।
