रामेछाप । रामेछापको गोकुलगंगा गाउँपालिकामा अध्यक्ष र उपाध्यक्षमा नेपाली काँग्रेसका उमेद्धार विजयी भएका छन् । अध्यक्षमा नेपाली काँग्रेसका उमेद्धार काजीबहादुर खड्का र उपाध्यक्षमा उषा बस्नेत कार्की विजयी भएका हुन् । विजयी अध्यक्षका उमेद्ध्वार खड्काले ६ हजार ९३ मत सहित विजयी भएका हुन् । उनका प्रतिद्धन्दी नेकपा एमालेका उमेद्धवार खड्ग सुनुवारले ४ हजार ७ सय १० मत प्राप्त गरे । कांग्रेसको तर्फबाट उपाध्यक्षकी उमेद्धवार उषा कार्कीले ५ हजार २ सय ५३ मत प्राप्त गर्दा एमालेका तर्फबाट उपाध्यक्षमा प्रत्याशी राधिका श्रेष्ठले ४ हजार ७ सात ८६ मत मात्र पाइन ।

अध्यक्ष र उपाध्यक्षका प्रत्याशी सुनुवार र श्रेष्ठ यस अधि गाउँपालिकाको अध्यक्ष र उपाध्यक्ष रहेका थिए । माओवादी केन्द्रसंग गठबन्ध गरेको नेकपा समाजवादीका अध्यक्षका उमेद्वारले जम्मा २३६ मत मात्र प्राप्त गरे भने उपाध्यक्षका अर्का प्रत्याशी माओवादी केन्द्रका नेता विष्णु कार्कीले १ हजार १ सय ६७ मत प्राप्त प्राप्त गरे । त्यस्तै वडा नं.१,२,४ र ६ मा नेपाली कांग्रेसको प्यानल नै विजयी भएको छ भने वडा नं.३ र ५ मा नेकपा एमालेले प्यानल विजयी भएको छ ।

नेकपा माओवादी केन्द्रले वडा नं. २ मा गठबन्धन गरेर सदस्य जिते पनि कुनै पनि वडामा आफ्ना उमेद्धवारलाई विजय गराउन सकेन । नेकपा समाजवादीसंग गठबन्धन गरेको माओवादी केन्द्र र स्वयम् समाजवादीका मतदाता समेत कांग्रेसका तर्फबाट अध्यक्षका उमेद्वार काजीबहादुर खड्का दिनेशलाई मत दिएको मत परिणामले देखिन्छ । माओवादी केन्द्रको तर्फबाट उपाध्यक्षका उमेद्वार विष्णु कार्कीले १ हजार १ सय ६७ मत प्राप्त गर्दा गठबन्धका अध्यक्ष रुद्र फुयालले जम्मा २३६ मत मात्र पाउनुले एमालेका उमेद्धवार हराउन अप्रत्यक्ष रुपमा माओवादी र समाजवादीको कार्यकताले कांग्रेसलाई सघाएको देखिन्छ ।