संसद् विघटन गर्न पाकिस्थानी प्रधानमन्त्रीको प्रस्ताव : अमेरीकाले चलखेल गरेको आरोप
- April 03, 2022
- 4 years ago
पाकिस्तानी प्रधानमन्त्री इमरान खानले संसद् विघटनको प्रस्ताव गरेका छन् । आइतबार राष्ट्रको नाममा सम्बोधन गर्दै खानले संसद् विघटनको प्रस्ताव गरेका हुन् । सम्बोधनको क्रममा प्रधानमन्त्री खानले राष्ट्रपति अरिफ अल्भीलाई संसद् विघटनको सुझाव दिएका हुन् । उनले जनताहरुलाई नयाँ चुनावको लागि तयारी गर्न पनि आह्वान गरेका छन् ।
आइतबार उप सभामुख कासिम सुरीको अध्यक्षतामा बसेको संसद् बैठकले खानविरुद्धको अविश्वासको प्रस्ताव खारेज गरेको थियो ।
सभामुखविरुद्ध पनि अविश्वासको प्रस्ताव दर्ता भएको थियो । सभामुख असद वासेरविरुद्ध पनि अविश्वासको प्रस्ताव दर्ता भएपछि प्रधानमन्त्री खानले राष्ट्रपति समक्ष संसद् विघटनको प्रस्ताव गरेका हुन् ।
अमेरिकी चलखेलका आफूलाई पदबाट हटाउने सड्यन्त्र भइरहेको प्रधानमन्त्री खानले आरोप लगाउँदै आएका छन् ।
