उपत्यकाबाट लागु औषध खैरो हेरोइन सहित १२ जना पक्राउ
- March 17, 2022
- 4 years ago
काठमाडौं उपत्यकाबाट लागु औषध खैरो हेरोइनसहित १२ जनालाई पक्राउ गरेछन् । प्रहरीको लागुऔषध नियन्त्रण ब्यूरोले उपत्यकाको विभिन्न स्थानबाट उनीहरुलाई पक्राउ गरेको हो ।
ब्यूरोबाट परिचालित टोलीले खैरो हेरोइनसहित उनीहरुलाई पक्राउ गरेको हो ।
लागुऔषधको कारोबार भइरहेको भन्ने सूचनाका आधारमा प्रहरी टोलीले उनीहरुलाई पक्राउ गरिएको प्रहरीले जनाएको छ । उनीहरुको साथबाट १९१÷१७० ग्राम खैरो हेरोइन बरामद गरिएको ब्यूरोद्वारा जानकारी दिइएको छ ।
पक्राउ पर्नेमा काठमाडौँ कागेश्वरी मनोहरा नगरपालिका ७ का ३३ वर्षीय विक्रम नगरकोटी, सोही ठाउँ बस्ने रोजन बस्नेत र ४६ वर्षीय माधवप्रसाद दाहाल छन् । यस्तै नगरकोटीसँग लागुऔषध कारोबारमा संलग्न रहेको खुलेपछि काभ्रेका ३० वर्षीय देवीसिंह तामाङलाई १७० मिलिग्राम खैरो हेरोइनसहित भक्तपुर चाँगुनारायणबाट पक्राउ गरेको उल्लेख गरिएको छ ।
त्यस्तै मोरङको बेलबारीकी ३१ वर्षीय कविता गुरुङ र काभ्रेपलान्चोकका ३३ वर्षीय मिलन लामा पनि पक्राउ परेका छन् । गुरुङलाई लागुऔषध उपलव्ध गराउने सुनसरीका २२ वर्षीय मिथुनकुमार याद र सोही ठाउँका प्रमोदकुमार सरदार पनि पक्राउ गरिएका छन् ।
यस्तै सिन्धुपाल्चोकका रोमन भण्डारी, दोलखाकी प्रज्ञा कार्की, भारतीय नागरिक मिजाहिद राजा र सिन्धुपाल्चोकका राजेश नेपाललाई काठमाडौँबाट पक्राउ गरिएको छ ।
उनीहरु लागुऔषध नियन्त्रण ऐन, २०३३ अन्तर्गतको कसुरमा आवश्यक अनुसन्धान भइरहेको ब्यूरोले जानकारी दिएको छ ।
