क्षेत्र विकासले घ्याङ गुठीको अधिकार निरन्तर मिचेको आरोप
- June 28, 2025
- 11 months ago
बौद्ध स्तुपामा बौद्धनाथा क्षेत्र विकास समितिले बौद्ध तथा मेलम्ची घ्याङ गुठीको अधिकार क्षेत्रमा हस्तक्षप गर्दा पटक पटक विवाद हुने गरेका छ । फेरी यस पटक पनि घ्याङ गुठीको अधिकार क्षेत्र भित्र पर्ने बुद्ध चित्तको दाना टिपेको विषयालाई लिएर विवाद भएको छ । क्षेत्र विकास समितिका अध्यक्ष राजकुमार लामाको निर्देशनका बुद्ध चित्तको दाना टिपेपक्षी विवाद भएको हो । बौद्ध स्तुपाका सम्पूर्ण लामा तथा कर्मचारी खाना खान गएको समयमा मंगलबार क्षेत्र विकासबाट गएको केही व्यक्तिहरुले बुद्ध चित्तको दाना टिपेको थिए । बौद्ध स्तुपाका लामाहरुले थाहा पाए पछि प्रहरीलाई खबर गरेका थिए । टिपिएको बुद्ध चित्तको दानाको विषयमा विवाद भएपछि उत्त बुद्ध चित्तको दाना वडा कार्यालयको रोहवरमा राखिएको छ । केही समय शान्त भएको बौद्ध स्तुपामा क्षेत्र विकास समितिले अधिकार क्षेत्र भन्दा बाहिर गएर हस्तक्षप गरेको कारण पटक पटक विवाद हुँदै आएको छ । पछिल्लो पटक बौद्ध स्तुपामा क्षेत्र विकास समितिले गेट फुटाने, शौचालय तोडफोर्ड गर्ने र ताला चावी खोस्ने, मनोमानी भौतिक संरचाना बनाउँने कार्य गरेको घ्याङ गुठी आरोप छ । क्षेत्र विकास समितिले निम्न गैरकानूनी कार्य गरेको घ्याङ गुठीको रोप छ ।
१. मूल गेट, बौद्ध स्तुपा माथि चढ्ने गेट र स्तुपाको फूलबारी जाने गेटको चाबी श्री बौद्ध तथा मेलम्ची घ्याङ गुठीको गार्डहरुबाट खोसी ताल्चाकाटी एकलौटि नियान्त्रणमा लिएको ।
२. श्री बौद्ध तथा मेलम्ची घ्याङ गुठीको कित्त नं। २४६, ६९, ७१ मा रहेको श्री ल्हाखाङ गुम्बाको शौचालय भत्काएको,
३. श्री बौद्ध तथा मेलम्ची घ्याङ गुठीको कित्त नं.१९० को १५ रोपनी २ आना ३ पैसा रहेको जग्गामा बौद्ध महास्तुपा भित्र फलेको बुद्धचित्त फल चोरी गरेको,
४.श्री बौद्ध तथा मेलम्ची घ्याङ गुठीको बौद्ध महास्तुपा परिसर भित्र विदेशी पर्याटकहरुसंग प्रवेश एकलौटी शुल्क उठाएको ।
५. श्री बौद्ध तथा मेलम्ची घ्याङ गुठीको कित्त नं.४७ को पोखरी जग्गा नियन्त्रणमा लिई समन्वयनगरी भौतिक संरचना बनाएको ।
६. क्षेत्र विकास समितिले स्तुपाको मुख्य प्रदेश द्धारमा उठाउने प्रवेश शुल्क ः
बौद्ध स्तुपाको मुख्य प्रवेश द्धारमा क्षेत्र विकास समितिले दैनिक एक जना विदेशी नागरिकको ४ सय ५० रुपैयाका दरले दैनिक लाखौं भन्दा बढी रकम उठाउने गरिएको छ । विधि कानूनी अनुमति र मापदण्ड विपरित रकम उठाएको विषयमा धर्मगुरुले आवाज उठाउँदा क्षेत्र विकासले श्रोत गुम्ने डरले धर्मगुरु विरुद्ध कुप्रचार गर्दै बौद्धमा आर्थिक स्रोतमा हालिमुहाली गरिरहेकाहरुले अनरगल प्रचार गर्ने काम भयो ।
७ अदालतको आदेश पालन नहुँदा विवाद ः
बौद्धको जग्गा अतिक्रण र पुजापाठमा समेत बाधा अवरोध गर्न थालेपछि धर्मगुरु तथा घ्याङ गुठीको तर्फबाट उच्च अदालत पाटनमा मुद्धा पर्यो । बौद्ध स्तुपा भित्रको सम्पूर्ण अधिकार धर्मगुरु र बौद्ध घ्याङ गुठीको भएकाले कुनै पनि बाधा अवरोध नगर्नु तथा गेटमा पैसा उठाउन र बत्ति बालेर पैसा उठाउन काम रोक्नु , उठाउने हो भने अनुमति लिएर मापदण्ड बनाएर उठाउन भन्ने आदेश भयो । तर अदालतको आदेश पालना नहुँदा हालसम्म पनि बौद्ध स्तुपाको प्रवेश द्धारमा क्षेत्र विकास समितिले निरन्तर रकम उठाई रहेको अवस्था छ ।
