लिभिङ टुगेदरलाई बैधानिकता दिन माग गर्दै सर्वोच्च रिट
- March 14, 2024
- 2 years ago
काठमाडौं । लिभिङ टुगेदरलाई बैधानिकता दिन माग गर्दै सर्वोच्च अदालतमा रिट दायर भएको छ । कानुन बमोजिम सक्षम र योग्य व्यक्तिहरु लिभिङ टुगेदरमा बस्न पाउने गरी तत्काल कानुनी निमार्ण गर्न परमादेश जारी गर्नु पर्ने माग गर्दै रिट दायर हो ।
अधिवक्ता अनु भट्टराईले दायर गरेको रिटमा नेपालमा पनि शहरमा लिभिङ टुगेदरमा बस्नेहरुको संख्या बढ्दै जाँदा पहिला सहमतीमा संगै बस्नेहरुवीच यौन हिंसा तथा नाताकायम जस्ता विभिन्न कानूनी समस्या आउन थालको भन्दै त्यसलाई समाधान गर्ने गरी कानून निमार्ण गर्न माग गरिएको छ ।
पछिल्ला समय लिभिङ टुगेदरमा बसेकाहरुवीच वेमेल हुँदा जबर्जस्ती करणी, नाता कायमको मुद्दा पर्न थालेकाले त्यसमा कमी ल्याउन तथा यौनिक विषयलाई अनैतिक तथा चरित्र हत्याको विषयमा लिने प्रचलनको अन्त्य गर्न कानुन आवश्यक भएको रिट निवेदनमा उल्लेख गरिएको छ ।
लिभिङ टुगेदरलाई समयमै नियमन र व्यवस्थापन गर्न अति नै जरुरी र आवश्यक रहेकाले कानुनको अभावमा लिभिङमा रहने प्रचलनलाई अनैतिक मानिसले गर्ने खराब आचरणजन्य कार्यको रुपमा लिने मानसिकताबाट समाजलाई मुक्त बनाउने तथा त्यस्ता सम्बन्धमा रहे बसेका मानिसहरुमा उत्पन्न हुन सक्ने समस्याबाट मर्यादा बनाउन कानुनी उपचारको अन्य वैकल्पिक कानुनको समेत व्यवस्था नभएकाले सम्मानित अदालतमा यस रिट गरिएको रिट निवेदक अधिबक्ता भट्टराईको भनाई छ ।
